Somos lectoras

No blog "El cocodrilo azul" atopei este marabilloso vídeo.
Grandes artistas retratan mulleres nos seus momentos de lectura.

Máis aló das TICS

No blog " passet a passet educar para transformar" atopei esta boísima presentación de Jaime Olmos que fixo para o IV Encuentro Interdisciplinar: “Educar con Co-Razón: Integrar la singularidad”
na Universidade de Almería.

Mas alla de las TICs

View more presentations from Jaime Olmos

Concienciados con la literatura infantil

Un ano máis o programa Página 2 realizou un especial sobre literatura xuvenil

titulado Concienciados con la literatura juvenil. Nel aparece Laura Gallego García falando do seu último libro: Donde los árboles cantan. Unha novela cargada de amor e aventuras na que mezcla na que mestura o xénero fantástico coas lendas medievais.. Seguro que disfrutaredes tanto con ela como coas outras obras da autora.

Premio Naciona de Literatura Infantil y Juvenil 2011

Maite Carranza gañou o Premio de Literatura Infantil e xuvenil co seu libro Palabras envelenadas

Bárbara Molina desaparece . Só uns poucos se negan a dala por morta. Aparecen unha serie de sospeitosos.
Un dos seus puntos fortes é a intriga a trama lévate a sospeitar de todos.
É un libro moi duro pero moi recomendable.
Na biblioteca temos tamén a súa triloxía das Bruxas: O clan da loba, O deserto do xeo e a maldición de Odi.

Congreso Bibliotecas Escolares en Tránsito

Hoxe comeza o Congreso Bibliotecas Escolares en Tránsito ,en Santiago de
Compostela. Mágoa non poder asistir!. . Polas intervencións que vai haber merece a pena seguilo. Esta é a vantaxe de internet . Botamos de menos non asistir polo enriquecedoras que serán as conversas nos cafés e nas comidas.

"No bosque" de Anthony Browne

Este conto foi un dos elexidos para ler na semana que falamos do medo.
En Educación Infantil analizamos a portada:
Cal é a cor predominante?
Que vemos?
Que levaría o neno na cesta?
Fixemos hipóteses sobre o que pasaría nesta historia.

Anthony Browne é autor e ilustrador inglés. As imaxes de Anthony Browne están cargadas de surrealismo e conteñen unha mezcla inquietante entre un realismo case fotográfico e o misterio. Nelas hai moitas referencias culturais a pintores, ao cine, a literatura e á música, que se convirten en guiños para os lectores que podan recoñecelos nese momento, ou máis adiante cando encontren esa referencia noutro lugar.

A continuación podemos visualizar unha entrevista de Anthony Browne na Argentina.

En El baúl que no tenía abuela atopamos esta curta que forma parte do proxecto SKetchTravel. Participan 71 artistas de todo o mundo os fondos que obteñan destinaranse á creación de bibliotecas con salas de alfabetización infantil no terceiro mundo.

SketchTravel from Curio on Vimeo.

TINTÍN

A película de Tintín estrenase en Decembro. Mentras chega aos nosos cines, que vos parece se ledes os comics que temos na biblioteca sobre o famoso reporteiro?Seguro que o vades pasar moi ben lendo as aventuras de Tintín e o seu canciño Milú.
Descobre cales dos moitos libros de Hergé, o autor de Tintín, temos na biblioteca. Será algún destes?

Aquí vodedes ver o trailer da película Tintín e o secreto do unicornio:

GRAZAS A TOD@S!

Estes días celebramos na Biblioteca o Samaín. Rosendo, a nosa mascota, pediulles a todos os nenos e nenas do cole que lle axudaran a adornar a biblioteca e a resposta non se fixo esperar... Pola biblioteca apareceron pantasmas, morcegos, meigas, arañas, cabazas,... e todos eles terrorificamente ben feitos. Por eso queremos darvos as grazas a tod@s!

Samain na Biblioteca

Todos os cursos de Educación Infantil e algúns cursos de Primaria pasaron hoxe pola Biblioteca para celebrar o Samaín.
Nenos e nenas do Primeiro Ciclo de Primaria prepararon cancións e bailes coas profes de Música e de Inglés e actuaron para os nenos/as de Infantil. Houbo contos, bailes, cancións, foi moi divertido.

Preparando o Samaín

Hoxe despois do patio os nenos e nenas de Educación Infantil de catro anos fomos decorar a biblioteca coas nosas pantasmas. Alí estaban os nenos e nenas de tres anos que tamén fixeron os seus debuxos para decorar a Biblioteca. A profe Oliva contou un conto: "Raquel ten medo" Raquel está na cama e non dá durmido. Mira para a fiestra e ve nela un monstro grande que quere levala...

CANTAMOS...

A CABAZA

Se queres saber algo máis das cabazas, preme na imaxe.

SAMAÍN-HALLOWEEN

DÍA DA HISPANIDADE

O Día da Hispanidade conmemora a efeméride histórica do Descubrimento de América por parte de Cristobal Colón. Esta celebración ten lugar cada 12 de outubro.
Para coñercer máis sobre Cristobal Colón preme na imaxe.

Antía Cal, "Chairega de Honra"

Onte foi un día emocionante por ter a sorte de asistir a un acto, organizado pola Asociación Cultural Xermolos e a Irmandade Manuel María, no que se nomeaba a Antía Cal “Chairega de Honra”.

Antía Cal dedicou a súa vida a educación. Viaxou por Europa e coñeceu as correntes pedagóxicas máis importantes. Fundou no ano 1961 o colexio bilingüe Rosalía de Castro en Vigo dónde levou adiante todo o que aprendera. Unha escola laica, mixta, bilingüe (co inglés como segundo idioma desde o parvulario), na que primaba o respecto ao alumno, e cunha didáctica activa na que mestres, pais e alumnos participaban do proxecto pedagóxico. Unha escola en contacto estreito cos novos movementos de renovación pedagóxica, coma a Escola de Mestres Rosa Sensat de Cataluña, liderada por Marta Mata.

Neste acto interviron: Avelino Pousa Antelo, Xosé Neira Vilas, Carmiña de Soutomaior, Xosé Manuel Beiras,...

Tamén houbo un xantar de irmandade e un concerto de Mini e Mero.

Unha das cancións interpretadas foi "Ai Amor", poema de Xosé Neira Vilas adicado á súa muller Anisia Miranda.

A casa dos contos

KERITY, LA CASA DE LOS CUENTOS. ESTRENO 23 DE SEPTIEMBRE DE 2011
Película dirixida por Dominique Monféry, que nos traslada ao mundo animado da gran ilustradora Rébecca Dautremer.

É a historia de Natanel, un neno de 7 anos que aínda non sabe ler, pero que herda da súa tía Eleonor a máis valiosa colección de contos do mundo, contos que ocultan un secreto que lle fará correr grandes aventuras.

LER EN FAMILA

Xa estamos aquí de novo queremos comezar cun fermosísimo video sobre a lectura en familia
Un vídeo de Lectura Lab, o laboratorio lectura da Fundación Germán Sánchez Ruipérez


LEER EN CASA

LER E DIVERTIDO!

Vin este video no blog casa de tol@s e gustoume moito. NON E MAXIA. É O PODER DA IMAXINACIÓN. Canta razón teñen! So hai que ver a cara destes nenos lendo o libro ...



Para acceder á páxina web do autor do libro que acabas de ver no video: HERVÉ TULLET, preme na imaxe. É moi divertida e interesante. Podes elexir entre francés ou inglés.

Teatro de sombras do conto: Nadarín

Os ciéntificos de E. Infantil que estan investigando do sol e das sombras prepararon unha representación do conto: Nadarín. Recortaron as siluetas dos personaxes e fixeron un teatro de sombras.
Levouse a cabo na Biblioteca e o público invitado foron os nenos e nenas de primeiro de Primaria.

A Competencia en comunicación lingüística. Ideas para traballar na aula.

La Competencia en comunicación lingüística. Ideas para trabajar en el aula on PhotoPeach

Lois Pereiro

Que mellor homenaxe para un escritor que lelo . Iso é o que estamos a facer estes días:ler, recitar ,pintar,sentir os seus versos . Na biblioteca temos todos os seus libros e tamén obras que falan del.
Os escritores, é certo, non morren nunca . Seguen con nós a través da súa obra. Nós estamolo a disfrutar e a coñecer a través de todo o que deixou escrito e escoitando aos que o coñeceron . Hai moitas páxinas na rede sobre Lois pero gústanos especialmente a WEB que creou o seu irmán.

Pasará O Día das Letras Galegas pero non pasará o noso interés pola obra de Lois Pereiro, seguirémolo lendo,seguirémolo lembrando , seguirá axudándonos a entendernos e a poñer voz aos nosos sentimentos .

Nós tamén o sabemos LOIS VIVE

Día do Libro

Para celebrar o Día do Libro reunímonos na Biblioteca toda a semana para contar contos.
Os nenos e nenas de tres anos representaron un conto para os de 4º da E.S.O. e os nenos e nenas maiores contaron un conto para os de tres anos, e así todos os cursos de Infantil, Primaria e Secundaria foron intercambiando contos.
Foi unha experiencia moi bonita,todos disfrutaron moito.

23 de abril Día Mundial do Libro

Poema de Carlos Negro, un agasallo para as Bibliotecas Escolares de Galicia no Día Mundial do Libro e dos Dereitos de Autor / 2011

O lugar da lectura

Unha illa de luz na xema dos dedos.

Unha porta sempre entreaberta.
Unha duna cara ao vento.
Unha nube sobre a herba.
Unha casa encantada.
Unha laranxa do paraíso.
Unha pousada no inferno.
Unha man e unha fouce.
Unha carapucha vermella.
Unha bufanda colorada.
Unha alfombra no ceo.
A pulga e o xigante.
A rosa e o cravo.
A serpe e a mazá.
A fonte e o cervo.
A flor da candea.
A fenda do espello.
A lúa na boca.
A tona do tempo.
A pedra e o canto.
A voz e o silencio.
O lugar da lectura.
Carlos Negro

Encontros do plan de mellora de bibliotecas escolares

O venres asistimos en Santiago aos Encontros do Plan de Mellora de Bibliotecas Escolares para profundizar no modelo da biblioteca escolar que se está a entender, como centro de recursos de lectura, información e aprendizaxe.
Para clausurar os Encontros disfrutamos dunha charla entrañable de Xosé Neira Vilas o autor de "Memorias dun neno labrego". Este ano cúmprense os 50 anos da publicación deste libro.

DÍA INTERNACIONAL DO LIBRO INFANTIL

Día Internacional do Libro Infantil. 2 de Abril do 2011

O LIBRO RECORDA

Conto

Hoxe os nenos e nenas de tres anos estivemos na Biblioteca buscando libros de caracois. Nacesitamos investigar para un novo proxecto. Atopamos un conto que nos gustou moito: "O caracol Remoldiño"

Tres amigos caracois mercaron unha empanada e enviaron ó máis pequeno a mercar o viño. Remoldiño sospeitaba que os seus amigos ían comer o manxar mentres el facía o recado. Remoldiño escondeuse a vixiar o que pasaba…

DÍA MUNDIAL DA AUGA

Hoxe celebramos na Biblioteca o Día da Auga con distintas actividades todas relacionadas coa Aula de Medio Ambiente. Oliva, a profesora de apoio a Educación Infantil traballou moito preparando as prácticas e materiais para os experimentos que se levaron a cabo. Os nenos/as pasáronno moi ben.


Actividades feitas:
- Vídeo da gota de auga.
- Xogo relacionado coa molécula da auga.
- Experimentos: A evaporación, a condensación, densidades dos líquidos, pozo de barrena...
Todos os cursos de Educación Infantil e Primaria pasaron pola Biblioteca.

Anthony Browne

Un dos libros que traballamos estes días para falar do traballo da muller é

"O libro dos cochos" de Anthony Browne.

Anthony Browne é un autor e ilustrador inglés, coñecido especialmente polos gorilas humanizados que protagonizan os seus libros. Estos animais gústanlle pola enorme forza e dulzura e ademais di que lle recordan ao seu pai, un ex boxeador grande, forte e cariñoso.

A continuación podemos ver unha entrevista feita a Anthony Browne na Arxentina na que explica a importancia da ilustración nos libros.

QUE FAI FALTA?

Entre as novidades da Biblioteca está este precioso libro.

Gianni Rodari, un dos autores imprescindibles no mundo da educación que soubo explicarnos como explorar e desenrolar a creatividade e imaxinación infantil a través da palabra.
Neste libro Gianni Rodari parte do xogo da deducción. O relato segue unha sucesión lóxica sobre a orixe dun objeto cotidiano que culmina no máis fermoso da natureza.

As ilustracións son de Silvia Bonani que utiliza a técnica do collage.

Para ter unha mesa fai falta madeira,

para ter madeira fai falta a árbore,

para ter a árbore....

CONTACONTOS

Hoxe na Biblioteca a clase de tres anos tivo unha contacontos excepcional. Unha nena de sexto curso de primaria ofreceuse para contarnos un conto.
O conto elexido foi :

"O coelliño branco"

Un conto moi bonito que Jessica contou marabillosamente. Dámoslle as grazas e esperamos que esta experiencia se repita.
Este intercambio de coñecementos entre os nenos/as maiores e pequenos e moi motivador para todos, e moi enriquecedor.

FREINET

Na rede social Internetenelaula adicada á educación , hai un grupo Freinet en el sigloXXI

Para compartir experiencias entre docentes que teñen interés na actualización das súas técnicas a través das TIC. A gora que imos comezar coa aula AVALAR en 4º e 1º ESO pareceume interesante traer a este blog o enlace a dous vídeos que atopei neste grupo nos que Segundo Fidalgo maestro do CPI San Félix de Candás ( Asturias) reivindica nunha ponencia o legado da pedagoxía freinet insistindo na importancia da metodoloxía e resaltando o carácter instrumental das TIC

Watch live streaming video from cprdeaviles at livestream.com

Continúa

cprdeaviles on livestream.com. Broadcast Live Free